Ja nie źbirajusia
Daśledavańnie pisać
Pra vasilok.
U bataničnym pašparcie
Vy znojdziecie,
Kałi i dzie jon naradziŭsia,
Kaho i što jon lubić,
Dzie nazaŭždy prapisan,
Usie šmatłikija jaho imiony
I lekavyja
I čaraŭničyja ŭłaścivaści jaho.
U zbornikach paezii
Apuchcina i Bahdanoviča,
Łužanina
I mnohich, mnohich inšych
Vy znojdziecie
Jamu pryśviečanyja ody,
A ŭ krytykaŭ
Šmat supiarečłivych
Acenak i fiłipik.
Ja, moža,
I nie pryhadaŭ by pra jaho,
Ale siahońnia
Z matčynaha ručnika,
Kałi ściraŭ ja z tvaru svajho
Stomu,
Jon uśmichnuŭsia mnie.
I ja adkłaŭ ručnik,
Kab nie skamiečyć
Pialostki vasilka.
Chaj jon ćvicie zaŭždy
Na hetym ručniku,
Na ściežkach palavych,
U našych pieśniach
I ŭ vačach dziaciej.
1979
|
|
